आईपीएलः राजस्थानसँग हार्यो बेंग्लोर
मेजेस्टिक खबर
२०७९ वैशाख १४ गते १४:१४ मा प्रकाशित
इन्डियन प्रिमियर लिग (आईपीएल) अन्तर्गत मंगलबार भएको खेलमा राजस्थान रोयलले रोयल च्यालेन्जर्स बेंग्लोरमाथि २९ रनको जित हात पारेको छ।
मंगलबार पहिला ब्याटिङ गरेको राजस्थानले निर्धारित २० ओभरमा ८ विकेट गुमाउँदै १४४ रन बनाएको थियो।
राजस्थानका लागि रियान प्रयागले अविजित ५६ रनको पाली खेले।
जवाफी ब्याटिङमा उत्रिएको बेंग्लोर १९ ओभर ३ बल खेल्दै सबै विकेट गुमाएर ११५ रनमा समेटियो। राजस्थानका कुलदीप सेनले ४ विकेट लिए।
यससँगै राजस्थान लिगको शीर्षस्थानमा उक्लिएको छ। उसले ८ खेलबाट १२ अंक हात पारेको छ।
प्रतिक्रिया