स्वरुपराज र शान्ति श्रीसको जाम हिड साईली सार्वजनिक

गायक स्वरुप राज आचार्य र गायिका शान्ति श्रीस मगरको स्वरमा नयाँ गीत जाम हिड साईली सार्वजनिक गरिएको छ । गायिका शान्ति श्रीसको प्रस्तुतीमा शुक्रबार उनकी अफिसियल युट्युव च्यानलमा सार्वजनिक गरिएको हो । गीतमा सुरेश राना मगरको शब्द तथा संगीत रहेको छ । संगीत संयोजना भने एचबिएन किस्मतले गरेका हुन् ।
भिडियोमा अभिनेता गौरव पहाडी र अभिनेत्री रजनी गुरुङले अभिनय गरेका छन् । अभिनेता गौरव परदेश जाने समयमा छुट्नु पर्दाको पीडा भिडियोमा देखाइएको छ । लाहुरे बिदाई तथा साँस्कृतिक कार्यक्रमको स्टेजका बिच गायक स्वरुप र गायिका शान्ति श्रीसले गीत गाइरहेका छन् । उनीहरु पनि भिडियोमा फिचर्ड छन् । भिडियोमा गौरब मगर र अन्जु गुरुङको पनि अभिनय रहेको छ । नवराज उप्रेतीले खिचेको भिडिओलाई मनोज कार्कीले सम्पादन गरेका हुन् । भिडियो मौसम हिमालीले निर्देशन गरेका हुन् ।