चलचित्र ‘खुस्मा’ को गीत ‘रुकुम मैकोट’ युट्युब म्युजिकको ट्रेन्डिङ नं १ मा

चलचित्र ‘खुस्मा’ को गीत ‘रुकुम मैकोट’ युट्युबको म्युजिक तर्फ ट्रेन्डिङ् एकमा परेको छ ।
गीतको भिडियोमा नेपाली संस्कृती झल्किएको हुनाले पनि दर्शकले गीतलाई रुचाइरहेका हुन् । चलचित्रमा मुख्य भूमिकामा रहेका नायक धिरज मगर र नायिका उपसाना सिंह ठकुरीको जोडीलाई पनि दर्शकले धेरै मन पराएका छन् ।
‘रुकुम मैकोट’ गीतलाई गायक एस.डी योगी र गायिका शान्ती श्री परियारले गाएका हुन् । अशोक थापा मगरको निर्देशन र सुरेन राईको कोरियोग्राफीमा बनेको उक्त भिडियोलाई केन्द्र मोशन पिक्चरको अफिसियल युट्युबबाट प्रसारण गरिएको छ ।