डोना थापा मगरको हङकङमा कार्यक्रम हुँदै

पूर्व राष्ट्रीय खेलाडी,भ्लगर, कलाकार डोना थापा मगर हङकङ जाने भएका छन् । बुटवल सेरोफेरो समाजको छैटौँ वार्षिकोत्सवको अवसर पारेर डोना हङकङ जान लागेका हुन् । आगामी १६ मार्चमा आयोजना हुने छैटौँ वार्षिक भेटघाट कार्यक्रम २०२५ मा डोना सहभागि हुनेछन्। उक्त कार्यक्रममा संयुक्त स्टुडियो हङकङको नृत्यसँगै कलाकारहरु निर आले मगर र गंगा पुन मगरको पनि प्रस्तुति रहनेछ । साथै कार्यक्रममा विविध मनोरञ्जनात्मक खेल साथै नृत्य प्रतियोगिता समेत हुने र विजेताले आकर्षक पुरस्कार पाउने आयोजकले जनाएको छ । कार्यक्रमका लागि संस्कृति ज्वेलर्स जोर्डन, सुपर फुड स्टोर्स जोर्डन र नभटेज स्टोर युनलोङमा टिकेट खरीद गर्न सकिनेछ ।