धिरज मगर र अदिती बुडाथोकी अभीनित चलचित्र बाबरीको बाबरी रङ बोलको गीत आज सार्वजनिक भएको छ । राजधानीको बिग मुभिजमा आयोजित पत्रकार सम्मेलनमार्फत गीत रिलिज गरिएको हो । गीत केन्द्र मोसन पिक्चर्स युट्युव च्यानलमा उपलब्ध छ ।
अनमोल गुरुङ र अस्मिता अधिकारीको स्वर रहेको यस गीतको भिडियो सिक्कीममा छायांकन गरिएको हो । भिडियोको कोरियोग्राफी अन्जिला खत्री र बिक्रम लामाले गरेका हुन् । गीतको प्रोडक्सन म्यानेजरको भूमिका बिक्रम बिसीले निर्वाह गरेका छन् ।
धिरज र अदितीको यो चलचित्रलाई लिएर आम दर्शकले उच्च अपेक्षा राखेका छन् । चलचित्रलाई सुरेन्द्र पौडेलले निर्देशन गरेका हुन् भने निर्माता पुष्पलता बुडाथोकी र गणेश बुडाथोकी हुन् ।
प्रतिक्रिया