धरानको मेयर निर्वाचित भएपछि हर्क साम्पाङ अहिले स्वच्छ र सफा धरान अभियानलाई तिव्रतासाथ अघि बढाएका छन् । मेयर साम्पाङले आम जनसाधारणलाई पनि यो अभियानमा जोडिन अपिल गरेका छन् । धराने जनतालाई खानेपानीको सुविधा प्रदान गर्ने,धरानलाई स्वच्छ नमुना शहर बनाउने साम्पाङको योजना छ । यहीं अभियानलाई सफल पार्ने कार्यक्रममा नेपालको चर्चित म्युजिक कम्पनी केन्द्र मोशन पिक्चर्सले पनि साथ दिएको हो । केन्द्र मोशन पिक्चर्सका तर्फबाट संचालक व्यवसायी केन्द्र लिम्बूले २ लाख ८५ हजार पर्ने १ सय मिटर पाइप र १५ वटा डस्टविन प्रदान गरेको हो । आइतवार धरानको खानेपानी व्यवस्थापन बोर्डमा आयोजित कार्यक्रमबीच केन्द्र मोशन पिक्चर्सका सिइओ अर्विन पोमो,कार्यक्रम संयोजक,गीतकार मीना सिंगक, मिस्टर धरान दिनेश सिंगक लगायतको हातबाट उक्त सामग्रीहरु हस्तान्तरण गरिएको हो । कार्यक्रममा साम्पाङले दाता केन्द्रलाई धन्यवाद दिँदै आफ्नो अभियानलाई समर्थन गरेकोमा धन्यवाद ज्ञापन गर्दै स्वच्छ धरान अभियानलाई साथ दिने सम्पूर्ण धराने जनतालाई अपिल गरे ।
प्रतिक्रिया