विद्युत् महसुल नबुझाउँदा उपमहानगरपालिकाको लाइन काटियो

समयमा विद्युत्को महसुल नबुझाएको भन्दै तुलसीपुर उपमहानगरपालिका कार्यालयको विद्युत् लाइन काटिएको छ।

तर, सधैँ यसरी जेनेरेटर प्रयोग गर्न सकिने अवस्था भने छैन। सडक बत्तीको यो विषय कानुनी रुपमा पनि जटिल भएकाले  समस्या रहेको सूचना अधिकारी न्यौपानेले बताए।

‘सङ्घीय सरकारले हाम्रो सडक भन्छ, सङ्घीय सरकारको सडकमा भएका सडक बत्तीको फेरि हामीले महसुल तिर्नुपर्ने’, उनले भने, ‘यो विषयमा पटक–पटक छलफल पनि भएको हो, तर आज आएर लाइन काट्नु भएछ।’

केन्द्रले स्थानीय तहको क्षेत्रमा आफ्ना संरचना बनाएको अवस्थामा स्थानीय तहलाई कर नतिर्ने तर, उनको क्षेत्रमा बालेको बत्तीमा स्थानीय तहले तिर्नुपर्ने भन्ने कुरा अमिल्दो भएको समेत उनले बताए।

उनले मुख्य सडकमा राखिएको सडक बत्तीहरू सङ्घीय सरकार र प्रदेश सरकारले हेर्ने र साना सडकमा जडान गरिएका बत्ती स्थानीय सरकारको मातहतमा रहेकाले महसुल बुझाउन समस्या भएकोसमेत बताए।

तुलसीपुरमा सरकारी कार्यालयको विद्युत् काटेको भने यो पहिलो पटक हो। विद्युत् वितरण केन्द्रले केही समययता अन्य व्यक्तिगत तथा संस्थागत समेत गरी एक हजार दुई सय ग्राहकको लाइन काटेको छ।